Labis ang sakit sa damdamin

Lungkot ang yumakap sa akin.

Pag-ibig

Pag-ibig

ni Teodoro E. Gener

Umiibig ako, at ang iniibig

ay hindi ang dilag na kaakit-akit,

pagka't kung talagang ganda lang ang nais,

hindi ba't nariyan ang nunungang langit?

Lumiliyag ako, at ang nililiyag

ay hindi ang yamang pagkarilag-dilag,

pagka't kung totoong perlas lang ang hangad,

di ba't masisisid ang pusod ng daga?

Umiibig ako't sumisintang tunay,

di sa ganda't hindi sa ginto ni yaman,

Ako'y umiibig, sapagkat may buhay

na di nagtitikim ng kaligayahan.

Hunyo Na, Mahal Ko

Hunyo Na, Mahal Ko

ni Mar Al Tiburcio

buwan na ng Hunyo,

tayo na, mahal ko,

at ating libutin ang bawat

simbahan na nakaparipa sa kamaynilaan,

upang makatikim kahit konting lugaw,

ang ating sikmurang laging lumilikaw.

maghihintay tayo

 sa labas ng patyo

at aabot ka doon sa paglabas

niyong bagong kasal; ang nakikigalak

tiyak magsasabog ng maraming bigas

na pupulutin ta't iipuning ganap.

kaya nga, mahal ko,

ay magsikap tayong

ang bawat simbahan ay mapuntahan ta

nang di ta mamatay na dilat ang mata;

tayo ang sisinop sa inaaksaya

niyong mga taong malaman ang bulsa.

Kapaligiran

Kapaligiran

ng Asin

Wala ka bang napapansin

Sa iyong mga kapaligiran

Kay dumi na ng hangin

Pati na ang mga ilog natin.

Hindi naman masama ang pag-unlad

At malayu-layo na rin ang ating narating

Ngunit masdan mo ang tubig sa dagat

Dati'y kulay asul, ngayo'y naging itim.

Ang mga batang ngayon lang isinilang

May hangin pa kayang matitikman

May mga puno pa kaya sila aakyatin

May mga ilog pa kayang lalanguyan

Darating ang panahon, mga ibong gala

Ay wala nang madadapuan

Masdan mo ang mga punong dati ay kay tatag

Ngayon ay namamatay dahil sa 'ting kalokohan

Sa Ugoy Ng Duyan

Sa Ugoy ng Duyan

ni Lucio San Pedro at Levi Celerio

Sana'y di magmaliw ang dati kong araw

Nang munti pang bata sa piling ni Nanay

Nais ko'y maulit ang awit ni Inang mahal

Awit ng pag-ibig, habang ako'y nasa duyan

Sa aking pagtulog na labis ang himbing

Ang bantay ko'y tala, ang mga tanod ko'y bituin

Sa piling ni Nanay, langit ang buhay,

Puso kong may dusa'y sabik sa ugoy ng duyan